Dä Hein vun dr Domplaat - wor e Levve lang Elektro-montör,
Firma pleite, Frau fottjelaufe - alles leef quer.
Nix mieh zo rette, Finanzamp am Hals,
keine Penning en dr Täsch.
Nit opjepass´, ussjerass´-hück hängk hä aan dr Fläsch.
Alles verlore - kein Wonnung - kein Arbeit - kei´ Jeld.
Se nenne´ sich Berber - verachtet vum Rest der Welt.
Dobei litt et Schicksal nitt immer en de eijene Häng,
janz schön fädisch - heiß´ noch lang nit am Eng!
Katharina die "Krumme" - met ehre 45 Johr,
kein Zäng en dr Muul un fettje, strähnje Hoor.
Huushalt jemaat, Pänz opjetrocke, Kinderjeschrei,
niemols ne Dank, ne Tritt en de Fott un alles vorbei.
Alles verlore - kein Wonnung - kein Arbeit - kei´ Jeld.
Se nenne´ sich Berber - verachtet vum Rest der Welt.
Dobei litt et Schicksal nitt immer en de eijene Häng,
janz schön fädisch - heiß´ noch lang nit am Eng!
Immer noch Hoffnung - me´m Rügge zur Wand,
e besje Respekt - vielleich´en helfende Hand.
Minsche sin Minsche, ejal wat se sin oder han.
Alles verlore - kein Wonnung - kein Arbeit - kei´ Jeld.
Se nenne´ sich Berber - verachtet vum Rest der Welt.
Dobei litt et Schicksal nitt immer en de eijene Häng,
janz schön fädisch -
Alles verlore - kein Wonnung - kein Arbeit - kei´ Jeld.
Se nenne´ sich Berber - verachtet vum Rest der Welt.
Dobei litt et Schicksal nitt immer en de eijene Häng,
janz schön fädisch - heiß´ noch lang nit am Eng!
Janz schön fädisch - heiß´ noch lang nit am Eng!
