Das Haus im Grünen by Da Huawa, da Meier und I from album Unknown
Duration : 0 minutes & 0 seconds.
Listener : 67 peoples.
Played : 148 times and counting.
A junges Pärchen, des mecht aus eahna Wohnung raus
Sie wohna iatzad in am Hochhaus in da Stod
Er hätt um alles in da Wält so gern a eigenes Haus
Und ihr stinkt a, weils koan eignen Goartn hod.
Sie san am rätseln, wos da macha kanntn, dass si iatz wos riaht
Er sogt: "Mei Voda hod am Bauplatz drauß am Land!
Und weil im nächstn Jahr mei Bausparer fällig werd
Nimm I iatzad hoid a Schaufel in die Hand."
A eignes Haus im Grünen wo die Blumen rundum blühen
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassen
Des is wo koa Pforter, wo am nixn stört!
A boa Wochn drauf da hams dann an Termin beim Notar
Weil eam sei Voda den Bauplatz übaschreibt
Und da fragt da Bua so zwischendurch, nembei glei wia des waar
Weng ara Grundschuid, weil da Bausparer nicht reicht.
Der Notar sagt "Jawoll, des drong ma glei ei
Koa Problem, des Göld, des kriagts nacha scho her.
Ihr kinnts ohne Sorgen baun und nachad ziagts ei
Wennst a Häusl hast, na bist ja schließlich wer!"
A eignes Haus im Grünen wo die Blumen rundum blühen
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassen
Des is wo koa Pforter, wo am nixn stört!
S'Haus is fertig, sie san eizong, und ois is wundaschön
Sie gfrein sie narrisch übas eigne kloane Heim.
Mit da Kreditrückzahlung homs ja aa ned wirklich a Problem
Olle zwoa gengan in d'Orbat, so konns bleim.
Und bis a boa Johr vagengan, san drei Kinder auf da Wäit
A richtige Familie sans inzwischen worn.
Desweng kriangs iatza aa vom Staat a weng a Gäid
Drum bleibt sie bei de Kinderla dahoam.
A eignes Haus im Grünen wo de Kinda ummaspringa
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassen
Des is wo koa Pforter, wo am nixn stört!
Doch es dauert gar net lang, do ziagt a Krise übers Land
Und er arbat scho seit Wochn nur mehr kurz
Do muaß er fürchtn dass eam s'Göid fia an Kredit nimma glangt
Dann geht sei Arbatgeba schließlich no Konkurs.
Weil a nachad dann tatsächlich zahlungsunfähig is
Vasteigert eam de Bank des scheene neie Haus
Pfiat de God, du liabe Hoamat, was passiert is ungewiss
Und mim Seele baumeln lassen is jetz aus.
A so kann es dir blühen mit am eignen Haus im Grünen
Wenns da Bank gheat, na gheats einfach net dir!
|: Wuist an am Strick auf der Terrassn di net söiba baumeln lassen
Is da letzte Hoffnungsschimmer nur Hartz IV! :|
