Dia johr sind schnell verganga, i luaga zruck und gsehn üs no,
an da erschta konzert in dr kart arena, freestyla und inra ecka stoh,
dia saisons gitz nuno selta, gsehn üs no selta,
was miar erläben isch a seltaheit, selta werden soviel fehler verzeiht,
miar hend hand botta und gseit, miar sind gera bereit,
das isch fründschaft, das isch do si füranand,
das isch wenns diar nit guat goht den nimm mini hand,
meh als uusstrecka kannsi nit, griif drnoh,
gmeinsam nemmemer dia hürda s kann wiiter goh,
as het sich viiles veränderet, jo das bringt ziit aso mit sich,
miar schriiben am schriibtisch, fiilen an hits mit toshman und rabitt,
das isch immer no gliich, oh yeah, wiani dia ziita liab,
im üabigsruum mit da jungs an songs fiila, songs schriiba,
ziila um ziila, ds ziel avisiart und miar schaffen das,
s kunnt guat, as kunnt richtig guat, miar hends richtig gmacht,
richtig guat, und etz wird nuno füra gluagt nümma zruck,
griif zur fläscha jack und nimm en kräftiga schluck,
a a a aiiins... miar fiiren üsri fründschaft,
zwa zwa zwa zwai... miar lönd z vergangana in der vergangaheit,
dre dre dre drei... miar spiilen üseri hymna spüren üs nümma,
mahen zemma duura bis am morga
zemma hemmer scho so viil duuragmacht.
los, mahen dia fläscha off, was isch a männerfründschaft ohni alk,
a männerfründschaft ohni so verbrüaderig, dia wird sowiso nit alt,
amana nomittag ins grüana go laufa, quatscha mit mina homies ab,
zemma kocha viil zviil essa, nocher in da uusgang mitama monetsghalt,
vom thom und bald a troscht ufs 081 und nomol a vertonig zahlt,
a vertonig vomana wiitera schritt wo allna andera dr tariif duragit,
intensiiveri ziita als hüt kömmen nümma aso schnell, euphorisch bsoffa beruuschtlos,
mahen dia fläscha off, hüt schenken miar i und kotzen üs us,
as brucht nit immer an narr für fehler, as langt scho d angscht vo dem,
dass di fründa könnten andersch gseh, wenn seisch was di scho lang bedrängt,
was di scho lang beschäftigt, di in dim handla hemmt,
und langsam dis läba munano kaputt macht, d stimmig in dim alltag dämmt,
doch dini fründa dia bütender d hand, und wohri fründschaft schenkt diar kraft,
drum nutz dini chanca verdammt nomol man, ka angscht dasses denn nit schaffsch,
klar hanni glooga und herza brocha, han tua, was en mensch nit macht,
doch werda endlich wach, und mach mi endlich stark,
han mini fründa bi miar womer zeigen das etlicha menscha dia fehler passiaren,
fehler bekenna und besserig schaffa, dass isch das wo menschlich macht,
denn das wo der mensch mitmacht, isch halt nit immer alles numa schön und guat,
nai miar sind nit nur a herz und a seel, denn öppa flüüst au böses bluat,
doch fründa stärken d seel, und helfen wos nur möglich isch,
all denna schlechta gedanka und tatana a end setzta, si tröschten di,
z leba baut diar d wäg, du bisch dä wo si nutzt aber gohn nit allai,
begleitiga helfen diar träga was träga muasch, und zwor über stock und stai,
a a a aiiis... miar fiiren üsri fründschaft,
zwa zwa zwa zwai... miar lönd z vergangana in der vergangaheit,
dre e e ei... miar spiilen üseri hymna spüren üs nümma,
mahen zemma duura bis am morga
zemma hemmer scho so viil duuragmacht.
a a a aiiins... miar fiiren üsri fründschaft,
zwa zwa zwa zwai... miar lönd z vergangana in der vergangaheit,
dre dre dre drei... miar spiilen üseri hymna spüren üs nümma,
mahen zemma duura bis am morga
zemma hemmer scho so viil duuragmacht.
das züg woni trinka isch elter, als all dia problem wommer hend,
und i schlucka beides nit eifach, nai i weiss es brennt en moment,
und brucht sini ziit bis mas verdaut, miar schwiigend üs us und sufen drbi,
ma schluckt jo nit alles doch ma vertraut trotzt allem no erschtuunlicherwiis,
fründschaft isch a fründschaft, als fründ het ma pflichta,
und dia beachtet ma nita wemma nüt macht als lüüga uftischa,
und nochem nögschta versuach isch das ganza verbi und afangs denn,
kanni uf da stress verzichta, also riisen eu zemma und z ruader no umma,
i weiss uf üs warten besseri ziita.
