Zer ete da andra erdiaren saria?
Sagar errea, eta ardao gorria
Alabaia, kontrario da Milia:
Azpian lur otza, gañean arria.
Lasturrera bear dozu, Milia
Aita jaunak eresten dau elia
Ama andreak apainketan obia
Ara bear dozu, Andra Milia.
Jausi da zerurean arria
Aurkitu dau Lasturren torre barria
Edegi dio almeneari erdia
Lasturrera bear dozu Milia.
Arren, ene Andra Milia Lasturko
Peru Garziak egin deusku laburto
Egin dau Andra Marina Arrazolako
Ezkon bekio, bere idea dauko.
