Track : Rääts un links vum Bahndamm
Artist : Wolfgang Niedecken
Album : Zosamme alt (Deluxe Version)
Rääts un links vum Bahndamm by Wolfgang Niedecken from album Zosamme alt (Deluxe Version)
Duration : 4 minutes & 40 seconds.
Listener : 100 peoples.
Played : 188 times and counting.
Rääts un links vum Bahndamm
Wähß Jestrüpp, un Jinster blöht
Dubbelkenn met Fachbooch jetz
Öm Blickkontakt bemüht
Lesezeichen rinnjelaat
De Brill en et Etui
Tippe op Vertreter un luhr fott:
"Nä - hück nit mieh!"
Drusse weet Deutschland wach
Un unger jedem Daach
Heiß et jetz, he 'n dä Stund:
"Ring frei - die nähxte Rund"
Rääts un links vum Bahndamm
Jonn die Radiowecker ahn
Registrierte, glattrasierte
Schweiger zur U-Bahn
Zeidunge met News vun jestern
Hück schon övverhollt
Zochkellner, bring Kaffee
Lauwärm, och ejal - wat soll't?
Ich wööhr noch jähn bei dir
Die Naach jing nur bess vier
Mir hatte kei Aug zo
Dä Grund dofür woors du
Ich sinn dich, wie du vüür mir em Bett sitz
Un leis "Dat wohr't wohl!?" sähß
Dä Rest Käaz ussblööhß, dich zur Wand wegdriehß
Sinn dich rääts un links vum Bahndamm
Jestern woss ich noch nit
Dat do wirklich existiers
Un dann wie'n 'm Märche
Is jätt seltsames passiert
Wenn du dat Leed hührs
Denks du "Naja" un grins
Glaub ich weiss dat die Naach
Nie em Alltagsmüll versink
Drusse weet Deutschland wach
Un unger jedem Daach
Heiß et jetz, he 'n dä Stund:
"Ring frei - die nähxte Rund"
Friedhöff, Hingerhöff un Bahnhöff wo dä Zoch nit hält
Wohnblocks, Industriejebiete 'ne Kettenhung, dä bellt
Tierasyle, Schreberjääde, Kathedrale, Puffs
Penner unger Bröcke, die erdraaren et em Suff
Ich wööhr noch jähn bei dir
Die Naach jing nur bess vier
Ich wööhr noch jähn bei dir
Ich wööhr noch jähn bei dir
Ich wööhr noch jähn bei dir
Ich wööhr noch jähn bei dir
